الجمعة، 4 يوليو 2014

11 نكتة مغربية : الموت ديال الضحك

التكليخة
هادا واحد كان في قهوة وهو يسولو واحد خاينة قالو : واش مزوج ؟
قالو خونا في الله : اه مزوج بمرأة
وهو يقولو لاخر : علاش عمرك شفتي شي حد مزوج براجل ؟
وهو يجاوبو: اه
قالو شكون؟
قال ليه : أختي

..............................................................................................
الكونجي
هادوا جوج كانوا خدامين، وهو يقول واحد فيهم لصاحبو: أنا نقدر نخلي الشاف يعطيني اليوم كونجي.

قال ليه صاحبو: وكيفاش غادي تدير ليها؟

قال ليه لاخور: شوف وتعلم.

مشى السيد تعلق من السقف من رجليه. ملي جا الشاف قال ليه: مالك معلق هاكا؟

قال ليه الخدام: راني بولة.

وهو يقول ليه الشاف: راك كتخدم بزاف قربتي تسطى. سير اليوم للدار ترتاح، راك كونجي.

شوية وهي يتم الخدام التاني تابع صاحبو. قال ليه الشاف: أجي نتا، فين غادي؟

قال ليه الخدام التاني: غادي للدار، ما نقدرش نخدم ف الضلام
...............................................................................
التبويقة
هادا واحد المبوق تلاقى بواحد مبوق كتر منو.

الأول سول التاني: فين غادي؟

جابو التاني: ما عرفتش. ونتا؟

قال ليه الأول: حتى أنا ما عرفتش.

قال ليه لاخور: إيوا يالاه دغية باش ما نتعطلوش.
...........................................................................
 تصريف الفعل مشى
هادي واحد المعلمة قالت لواحد التلميدة: صرفي الفعل مشى في المضارع.

قالت ليها التلميدة بشوية: أنا... أمشي... أنت... تمشي...

قالت ليها المعلمة: طلقي راسك شوية.

قالت ليها التلميدة: أنا أجري، أنت تجري...
..........................................................................
 التبويقة 2
واحد مبوق داز حدا باه ف الزنقة وميك عليه.

مشى عندو باه قال ليه: مالك ما شفتينيش؟

قال ليه المبوق: لا شفتك، غير ما عرفتش فين
.......................................................................
باش كتحلم
سول الأستاذ واحد التلميد: باش كتحلم؟

قال ليه الدري: كنحلم نشد 10000 درهم ف الشهر بحال الوالد.

قال ليه الأستاذ: علاش باك كيشدهم؟

قال ليه الدري: لا، حتى هو غير كيحلم.
.......................................................................
 لطلق مرتو وتيضحك
هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.

ناض السيد كيضحك. سولو القاضي: مالك؟

قال ليه: كانت كتديها كاملة
........................................................................
مدمن ديال فايسبوك مشى يخطب
واحد المدمن ديال فايسبوك مشى يخطب

سولو بات البنت: أش كدير ف الحياة؟

قال ليه الولد: والله أعمي إيلا من الپروفايل ل لي پاج، ومن لي پاج للپروفايل. ما كنمشي ليوتيوب، ولا ميسنجر، وما عنديش صحابي من الهاكر، وما عنديش پروفايلات مزورين. سول عليا ف الفايسبوك، راه السمعة ديالي لا يعلى عليها.

أشنو قلتي أعمي؟ نقراو الفاتحة أولا عندك شي كومونطير؟
............................................................................
 She has
أستاذ ديال الإنجليزية قال لواحد التلميد: دير ليا
She has
في جملة مفيدة
قال ليه التلميذ : شي هاز اللحم وشي هاز الهم
.............................................................................
المسموم
هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
قال ليهم: لا، و لكن سمعت بأن البكا كيعدب الميت
..............................................................................
 بخيل وعندو محلبة
هادا واحد لولد باه بخييل خدام ف محلبة واحد نهار ولدو نعس معاه ف المحلبة أو دربت الفيقة مع 3 الليل و قال باباه فيا الجوع و هوا يحال ل المحلبة أو هو يقول ليه ولدي ڭع لحوانت سادين

لمشاهدة سلسلة الكوبل مباشرة إضغط هنا
 






قالب دبل كليك | جميع الحقوق محفوظة لمدونة و القلم ©